Ümumi orta təhsil bazasında ( 9 illik) orta ixtisas təhsili müəssisələrinə ixtisas seçimi başa çatıb.

Bu barədə AzVision.az-a TQDK-nın mətbuat xidmətindən məlumat verilib. Bildirilib ki, ümumi orta təhsil bazasında ( 9 illik) orta ixtisas təhsili müəssisələrinə ixtisas seçimi iyulun 2-də başlanmış və bu proses iyulun 10-da saat 23:59-da yekunlaşıb.

Qeyd edək ki, ixtisas seçiminin nəticələrinin yaxın iki gün ərzində elan olunması nəzərdə tutulur və nəticələrin elan olunmasına dair ilkin məlumatlar TQDK-nın səhifəsində yerləşdiriləcək.