Sumqayıtın tanınmış pedaqoqlarından biri Tofiq Təhməzov uzun sürən ağır xəstəlikdən sonra 80 yaşında vəfat edib.

1965-ci ildən əmək fəaliyyətinə başlayan T. Təhməzov iki il Qubadlı rayon Muradxanlı kənd orta məktəbində kimya müəllimi işləyib. O, 1969-cu ildən fəaliyyətini Sumqayıt şəhər 15 saylı orta məktəbdə davam etdirib. T. Təhməzov burada kimya müəllimliyindən direktor müavini vəzifəsinə kimi yüksəlib.

1990-2005 –ci illərdə isə General Məhəmməd Əsədov adına 20 saylı məktəbin direktoru çalışıb. T. Təhməzovun sonrakı pedaqoji fəaliyyəti də elə bu təhsil müəssisəsi ilə bağlı olub. Belə ki, sözügedən məktəbin adı dəyişdirilib və o, yenidən Sumqayıt şəhəri general M.Əsədov adına İnteqrasiya təlimli internat tipli gimnaziyasına 2011-ci ilə kimi rəhbərlik edib.

T.Təhməzov 1986-cı ildə Baş müəllim, 2001-ci ildə isə "Əmək veteranı” adına layiq görülüb.(sumqayitxeber.com)