Bu barədə Xeberle.com-a Sumqayıt Təhsil Şöbəsindən bildirilib. Məlumata görə, Sumqayıtda 6124 nəfər I sinfibaşa vuracaq.

Cari tədris ilində Sumqayıt Şəhər Təhsil Şöbəsinin tabeliyindəki ümumi təhsil məktəblərində 55478 şagird təhsil alır.

Sumqayıt Şəhər Təhsil Şöbəsinin tabeliyindəki ümumi təhsil məktəblərində ümumilikdə, 4094 müəllim fəaliyyət göstərir.

2018-2019-cu tədris ilində şəhər üzrə məktəbəhazırlıq qrupunu 3156 uşaq başa vurub. Növbəti tədris ilində dövlət hesabına fəaliyyət göstərən məktəbəhazırlıq qruplarına cəlb ediləcək uşaqların sayı beşyaşlıların 90 faizini təşkil edəcək.

İyunun 4-nə (saat 10:00) olan məlumata əsasən, 2018-2019-cu tədris ili üçün Sumqayıtın ümumi təhsil müəssisələrinin I sinfinə mektebeqebul.edu.az saytı vasitəsilə 4421 sorğu yerləşdirilib. Onlardan 4076-ı ümumi təhsil məktəblərini, 345-i isə lisey və gimnaziyaları seçib.

Qeyd edək ki, Sumqayıt Şəhər Təhsil Şöbəsinin tabeliyində 45 ümumi təhsil məktəbi, 3 lisey, 1 gimnaziya fəaliyyət göstərir.

Xədicə Səxavətqızı

Xeberle.com