Xeberle.com-un məlumatına görə, 2018/2019-cu tədris ilində Sumqayıt Təhsil Şöbəsinin tabeliyində olan orta ümumtəhsil məktəblərini 2751 şagird bitirib. Onlardan 2260 nəfəri ali məktəblərə qəbul imtahanlarında iştirak edib. Qəbul imtahanlarında iştirak edən abituriyentlərdən 353 nəfəri 500-dən, 119 nəfəri 600 - dən, 33 nəfəri isə 650-dən yuxarı bal toplayıb. Sumqayıt məktəbləri arasında ən yüksək nəticəni Texniki və Təbiət Elmləri Liseyinin məzunu Ağamalıyev Məhəmməd Niyaməddin oğlu göstərib. Belə ki, o, ali məktəblərə qəbul imtahanında 694 bal toplayıb. Bununla yanaşı bu liseyin ali məktəblərə sənəd verən 44 məzunundan 25 nəfəri 600 baldan yuxarı nəticə göstərib.