"Sumqayıt şəhərində fəaliyyət göstərən təhsil müəssisələrinin əməkdaşları da şəhər ərazisində fəaliyyət göstərən mobil qruplarda aktiv fəaliyyət göstərir, şəhər sakinləri arasında maarifləndirmə işləri həyata keçirir, insanları qaydalara əməl etməyə səsləyir".
Bu barədə Xeberle.com-a açıqlamasında Sumqayıt şəhər Təhsil şöbəsinin müdiri Arzu Alızadə deyib. Onun sözlərinə görə, karantin rejimi tətbiq olunduğu müddətdən Təhşil Şöbəsi nəznində gənc təhsil işçilərindən ibarət operativ qərargah qrupu yaradılıb: "Bu gün də qrupun fəaliyyəti davam etdirilir. Hər bir məktəb şagirdlərlə kommunikasiyanı davam etdirir, onlara xüsusi karantin rejiminin tələblərinə əməl etmə etmələri çatdırılır, digər maarifləndirmə işləri aparılır. Şəhər ərazisində fəaliyyət göstərən mobil qruplarda, eləcə də təhsil şöbəsi tərəfindən yaradılmış mobil qruplarda təhsil işçiləri fəal iştirak edərək şəhər sakinləri arasında maarifləndirmə işləri aparırlar. Eyni zamanda qoruyucu maskalar paylanılıb".
Xəbərdən istifadə edərkən istinad etmək vacibdir.
