Bu haqda A. Bayramova Xeberle.com-a danışıb.

O, bildirib ki, Azərbaycan Respublikası Səhiyyə Nazirliyi Sumqayıt Şəhər Səhiyyə Şöbəsində fəaliyyət göstərən Uşaq Stomatoloji Klinikasına 9 yaşlı oğlunun dişi ağrıdığı üçün üz tutub:

"Uşağın dişinə baxan həkim mənə dedi ki, əvvəlcə "Rentgen"ə get. Mən də uşağı həmin şöbəyə apardım. Gülnarə həkimə bildirdim ki, uşağın dişini rentgenə salmaq lazımdır. Məndən 5 manat pul istədi. Dedim ki, yoxumdur, həm də ki bura dövlətin klinikasıdır. O da mənə cavabında dedi ki, nə vaxt dövlətin mənə plyonka verər, onda gələrsən. O vaxta kimi bir də buraya gəlmə dedi. Mən də bura dövlətindir dedim. O nalayiq sözlərdən istifadə edərək mənə cavab verdi. Mən də oradan uzaqlaşdım. Ancaq mən həmin anları mobil telefonumla lentə almışdım".

Məsələ ilə bağlı Uşaq Stomatoloji Poliklinikası ilə saxladıq. Poliklinikanın baş həkimi Kəmalə Muradova Xeberle.com-a açıqlamasında baş verənlərə belə aydınlıq gətirdi: "Rentgen texniki Gülnarə İmanova 50 ilin işçisidir, nümunəvi işçi kimi tanınıb.  Həmin qadın o qədər əsəblərini korlayıb ki, kobud danışmağa məcbur olub. Kobud danışdığı üçün G. İmanovaya töhmət verilib. Pasient Aytəkin Bayramovanın uşaqlarına da, özünə də həmişə poliklinikamizda xidmət göstərilib, stomotoloji müayinə və müalicələr olunub. Həmin videoda da uşağını gətirdiyini deyib, amma ortada uşaq yoxdur. Sadəcə ondan qabaq bir uşaq növbəyə salınıb. O da bundan sonra belə edib və təhqirlərlə rentgen texnikimizi özündən çıxardıb. Bizim işçi onunla pul söhbət aparmayıb. A. Bayramovanın hərəkətləri ilə bağlı hüquq-mühafizə orqanlarına müraciət etmişik".

Xədicə Səxavətqızı

Xeberle.com