Sumqayıtda Məhəmməd Füzuli adına 15 saylı məktəbə gedən yol uşaqlar üçün ciddi təhlükə mənbəyinə çevrilib.
Xeberle.com-un məlumatına görə, jurnalist Anar Xalarovun sosial şəbəkə hesabında paylaşdığı məlumata görə, məktəbə aparan yol həm səhər, həm də axşam saatlarında xaotik vəziyyətdə olur. Səki illərdir zəbt edildiyindən uşaqlar və valideynlər məcbur qalaraq maşın yolundan istifadə edirlər.
Məlumata əsasən, bardiorlar dağıldığı üçün səki yolla birləşib və sürücülər avtomobillərini orada saxlayır. Nəticədə, dərsə gələn və çıxan uşaqlar avtomobillərin arasında qalır. Üstəlik, məktəbin qarşısında yolların həm lisey istiqamətinə, həm də 5-ci mikrorayona ayrılması təhlükəni daha da artırır.
Jurnalist qeyd edib ki, aidiyyəti qurumlar tərəfindən bu vəziyyətə təcili şəkildə müdaxilə edilməli, ən azı sağdakı səki bərpa olunmalıdır:
"Səki piyadalar üçündür, maşın saxlamaq üçün yox,” – deyə o bildirib.
Xəbərdən istifadə edərkən istinad etmək vacibdir.
