Bu gün, 2 sentyabr tarixindən etibarən "Sumqayıt Kimya Sənaye Parkı” MMC-nin nəzdində Peşə Təhsil Mərkəzində boş qalan yerlər üzrə tələbə qəbulunun II-ci mərhələsinə start verildi. Bu haqda Təhsil Nazirliyinin rəsmi saytında xəbər paylaşılıb.
Qeydiyyatdan "portal.edu.az” platformasına daxil olub ödənişsiz qaydada keçmək mümkündür. Həmçinin, tələbə qəbulunun I-ci mərhələsində uğurlu nəticə göstərməyən şəxslər də II-ci mərhələyə qatıla bilərlər. Sənəd qəbulu 6 sentyabr saat 23:59-dək davam edəcək.
Qeyd edilir ki, qəbul müraciət edənin attestatında ki müvafiq fənlər üzrə qiymətlərinin orta balı əsasında aparılır. Hər bir şəxs maksimum 5 ixtisas üzrə seçim edə bilər. Daha sonra, müsabiqədən uğurla keçən şəxslər qəbul olduqları müəssisəyə sənədlərin əslini təqdim edilməsi üçün dəvət olunacaqlar.
Qəbul aşağıda ki ixtisaslar üzrə keçiriləcək:
Torna və frezer dəzgahlarının operatoru
Sənayedə quraşdırma işləri üzrə usta
Proqramla idarə olunan dəzgahların operatoru
Elektrik avadanlıqlarına xidmət və təmiri üzrə elektrik montyoru
Avtomatika üzrə usta
Bitkiçilik mütəxəssisi
Aqroservis mütəxəssisi
İsitmə-soyutma, havalandırma sistemləri və avadanlıqları üzrə montajçı
Veb dizayner və proqram təminatçısı
Qrafik dizayner
Xəbərdən istifadə edərkən istinad etmək vacibdir.
