Sumqayıt şəhər Texniki və Təbiət Elmləri Liseyi bu il tələbə qəbulu üzrə 100 faiz nəticə göstərib.
Xeberle.com-un məlumatına görə, orta ümumtəhsil ocağını bu il bitirən bütün məzunlar tələbə adını qazanıb. 59 məzundan 9-u yüksək balla xarici ölkələrdə, 50 nəfəri isə ölkəmizdə fəaliyyət göstərən ali təhsil müəssisələrində oxumaq şansı qazanıblar.
Artıq 4ildir ki, tələbə qəbulu üzrə liderliyini qoruyan Təbiət Elmləri Təmayüllü Gimnaziyanın bu il 54 məzununun hər biri tələbə adını qazanıb. 2 şagird isə Dünya olimpiadasının qalibi olaraq ali təhsillərini imtahansız davam etdirmək şansı əldə ediblər. 2 şagird Respublika Olimpiadası qalibi olaraq Bakı Ali Neft məktəbinə qəbul olunub. Bir məzun isə Türkiyədə təhsilini davam etdirəcək. 49 məzun Dövlət İmtahan Mərkəzinin təşkil etdiyi imtahanda iştrak edib və 32-si 600 dən yuxarı bal toplayıb.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
