Respublika Fənn Olimpiadaları ilə əlaqədar Sumqayıt şəhər Təhsil Şöbəsi rəhbərliyi, əməkdaşları və olimpiadanın təşkil olunduğu məktəblərin direktorları ilə birgə virtual iclas keçirilib.
Xeberle.com xəbər verir ki, iclasda olimipadanın təşkil olunduğu mərkəzlərdə lazimi şəraitin yaradılması: sinif otaqları, yerlərin nömrələnməsi, həmçinin imtahan prosesinin təlimatlara uyğun keçirilməsi və bununla bağlı digər qaydalar iştirakçıların nəzərinə çatdırılıb.
Xatırladaq ki, yanvarın 22-də 2021-2022-ci tədris ili üzrə Respublika fənn olimpiadalarının rayon (şəhər) mərhələsi keçiriləcək.
Olimpiada riyaziyyat, fizika, kimya, biologiya, informatika, coğrafiya, Azərbaycan dili və ədəbiyyatı, tarix fənləri olmaqla 8 fənn üzrə keçirilir.
Olimpiada şəhərimizdə 4 mərkəzdə- 11, 12, 22, 28 nömrəli tam orta məktəbdə keçiriləcək.
Xəbərdən istifadə edərkən istinad etmək vacibdir.
