İyunun 29-da Sumqayıt Dövlət Universitetində "Məzun günü” qeyd edilib.
Xeberle.com xəbər verir ki, "Məzun günü”ndə Təhsil nazirinin müavini Firudin Qurbanov, Sumqayıt şəhər İcra Hakimiyyətinin başçısı Zakir Fərəcov, Sumqayıt Şəhər Polis İdarəsinin rəisi polis polkovniki Fəqan Azadəliyev və universitetin professor- müəllim heyəti, məzun tələbələr və onların valideynləri iştirak ediblər.
Təhsil nazirinin müavini Firudin Qurbanov çıxış edərək mövcud problemlərin həlli istiqamətində həyata keçirilən məqsədyönlü tədbirlərin Sumqayıt Dövlət Universitetinin də fəaliyyətinin müasir tələblər səviyyəsində qurulmasına və inkişafına böyük zəmin yaradıb.
Universitetin rektoru, professor Elxan Hüseynov çıxış edərək qonaqları və iştirakçıları salamladı, məzun tələbələri "Məzun günü” münasibətilə təbrik etdi, onlara gələcək fəaliyyətlərində uğurlar arzulayıb. Bildirib ki, yeni tədris ilində İnformatika müəllimliyi, Kooreksiyaedici təlim, Mexatronika və robototexnika mühəndisliyi, Sosial iş, Turizm işinin təşkili ixtisasları üzrə hazırlıqlar başlanılıb. Görülən son işlərdən biri də, "Tələbə evi”nin tələbələrimizin istifadəsinə verilməsidir.
Sonra elm və təhsildə, universitetin ictimai və mədəni həyatında fərqlənən məzunlara fəxri fərman, mükafat və hədiyyələr təqdim olunub.
Təqdimatdan sonra Sumqayıt şəhər İcra Hakimiyyətinin başçısı Zakir Fərəcov çıxış edərək məzunları təbrik etdi, onlara uğurlar arzulayıb.
İcra başçısı Zakir Fərəcov çıxışında Sumqayıt Dövlət Universitetinin bir qrup məzununun şəhərdə işlə təmin olunmasına şərait yaradılacağını diqqətə çatdırıb.
Tədbir konsert proqramı ilə davam etdi. Universitetin özfəaliyyət kollektivi ilə yanaşı, Azərbaycan Respublikasının Əməkdar artistləri Nüşabə Ələsgərli, Səlim Abbasov, Muğam müsabiqəsinin laureatı Gülzar Fərəcova, tanınmış incəsənət xadimləri və digər gənc sənətçilər ifaları ilə məzunları təbrik ediblər.
Xəbərdən istifadə edərkən istinad etmək vacibdir.
