Xidmət Sahələri üzrə Sumqayıt Dövlət Peşə Təhsil Mərkəzinin ənənəvi sentyabr müşavirəsi keçirilib.
Xeberle.com xəbər verir ki, müşavirə Dövlət Himninin səsləndirilməsi ilə başlayıb.
Vətənimizin ərazi bütövlüyü uğrunda canından keçən şəhidlərin xatirəsi ehtiramla yad edilib.
Müşavirədə mərkəzin direktoru Gülşən Ömərova hesabat məruzəsi ilə çıxış edib. O, ötən tədris ilinin yekunları, əldə edilmiş nailiyyətlər və qarşıda duran məqsədlər, həllini gözləyən məsələləri diqqətə çatdırıb.
Gündəlikdə duran məsələlər müzakirə edilib.
Sonda müşavirə iştirakçılarını maraqlandıran məsələlərə aydınlıq gətirilib və suallar cavablandırılıb.
Xəbərdən istifadə edərkən istinad etmək vacibdir.
