Abşeron-Xızı Regional Təhsil İdarəsinin tabeliyində fəaliyyət göstərən Sumqayıt 63 nömrəli "Venera" körpələr evi - uşağ bağçasının müdiri Nigar Rzayeva ilə bağlı mətbuatda bəzi iddialar yayılıb.
Saytın yaydığı məlumatda bildirilir ki, şəhərin 18-ci mikrorayonunda yerləşən bağça 12 qrupdan ibarət 220 nəfərlik olmağı nəzərdə tutulsa da, qruplarda 20 uşaq əvəzinə 30-a yaxın uşaq var.
İddia olunur ki, N. Rzayeva metodist Vəfa Seyidzadə və köməkçisi İradə Hümmətova vasitəsi ilə bağçaya verilən ərzaqları satır, qruplarda portaldan kənar,qanunsuz olaraq əlavə 500 AZN qarşılığında uşaqlar qəbul edir. Bununla yanaşı, bildirilir ki, qruplarda hər uşağa görə valideynlərdən 20 AZN fond pulu adıyla vəsait yığılır.
Məsələ ilə bağlı sözügedən bağçanının müdiri Nigar Rzayeva ilə əlaqə saxladıq.
N.Rzayeva Xeberle.com-a açıqlama verməkdən yayınaraq qısa şəkildə bildirdi ki, o, bu bağçaya müdir təyin olunduğu gündən belə yazılar gedir. Habelə yayılan hər xəbər haqqında açıqlama verməyə məcbur olmadığını da qeyd etdi.
Xədicə Səxavətqızı
Xəbərdən istifadə edərkən istinad etmək vacibdir.
