Sumqayıtda dahi Azərbaycan şairi və filosofu Nizami Gəncəvinin heykəli axır ki, "ağ günə çıxıb". Belə ki, vaxtilə heykəlin üzərində yalnız "Nizami" sözü yazılmışdı, özü də yazı şrifti elə seçilmişdi ki, "N" hərfi "H" hərfinə bənzəyirdi. Çoxsaylı tənqidlərdən sonra heykəlin üzərindəki şrift dəyişdirildi və "Nizami" sözü aydın oxunmağa başlandı. Lakin bunu tərtib edənlər yenə də dahi şairin soyadını, doğum və vəfat tarixlərini unutdular. Xeberle.com yenidən məsələni gündəmə gətirərək Azərbaycanın dünyaşöhrətli mütəfəkkirinə qarşı laqyd münasibəti tənqid etdi, düzəlişin vacibliyini vurğuladı. Və budur, gördüyünüz kimi, artıq Nizami Gəncəvinin heykəli arzuolunan vəziyyətə gətirilib.
Belə məqamda ürəyimdən bu sözləri demək keçdi: "Gözün aydın, dahi Nizami".
Elnur Ağayev
Xebrle.com
P.S. Yaxşı olardı ki, heykəlin ətrafı da abadlaşdırılarılsın, bu dəfə isə 3 dəfəyə yox...