Sumqayıtda fəaliyyət göstərən 1 saylı Uşaq -Gənclər inkişaf mərkəzinin təşkil etdiyi 44 günlük vətən müharibəsi şəhidlərinin əziz xatirəsinə həsr olunmuş "Şəhidlərimiz Xatirələrdə" adlı tədbir keçirilib.
Xeberle.com-un məlumatına görə, şəhid ailələrinin iştirak etdiyi tədbirdə əvvəlcə Sumqayıt ümumtəhsil məktəblərinin şagirdləri və mərkəzin dərnək üzvlərinin çəkdiyi şəhidlərimizi əks etdirən portret rəsmlər nümayiş olunub. Milli Məclisin deputatı Müşfiq Məmmədli də tədbirə qatılıb. O, çıxış edərək bildirib ki, bu səpkili tədbirlər gələcəyimiz olan uşaqların vətənpərvərlik ruhunda böyməsində müstəsna rol oynayır. Millət vəkili bu işdə əməyi keçən müəllim-şagird heyətinə təşəkkür edib, müəlliflərə gələcək yaradıcı fəaliyyətlərində uğurlar arzulayıb.
Xəbərdən istifadə edərkən istinad etmək vacibdir.
