Təhsidə Keyfiyyət Təminatı Agentliyinin təşkilatçılığı və BP şirkətinin maliyyə dəstəyi ilə "Peşə bacarığı olan işçilər üçün davamlı iş imkanları" adlı layihənin yekun tədbirində deputatlar Müşfiq Məmmədli, Vüqar Bayramov, Müşfiq Cəfərov və Vüqar İsgəndərov iştirak edib.
Layihənin məqsədi keçmişdə peşə təhsili almaq imkanı olmamış və nəticədə davamlı karyera qurmaq üçün rəsmi diplomu olmayan peşə bacarığı olan işçilər üçün peşə təlimləri vermək idi.
Təlim proqramı iştirakçılara peşəkar biliklərini zənginləşdirməyə və eyni zamanda praktiki bacarıqlarını yeniləməyə yönəlmiş həm nəzəri, həm də praktiki məşğələlərdən ibarət olub.
Gələcəyə Körpü İctimai Birliyinin həyata keçirdiyi
layihə çərçivəsində 40 nəfər benefisiar ilkin olaraq 4 fərqli peşə ixtisası üzrə nəzəri biliklərinin və praktiki bacarıqlarının artırılması məqsədi ilə təlimlərə cəlb edilib. Sözügedən təlimlərin icrasını təmin edən şirkət nümayəndələri Təhsildə Keyfiyyət Təminatı Agentliyinin "Qeyri-formal və informal təhsilin tanınması istiqaməti üzrə təlimçi” təlimlərində iştirak edib, müvafiq sənəd ilə təmin ediliblər.
Layihənin sonunda prosesdə uğurlu nəticə əldə etmiş 38 nəfər ixtisası üzrə ilk peşə təhsili diplomuna bərabərhüquqlu diplom ilə təltif olunub. Təltifetmə mərasimi BP-nin təçkilatçılığı ilə "Nobel Oil Heritage Club”da təşkil olunub.
Xəbərdən istifadə edərkən istinad etmək vacibdir.
