Sumqayıt Regional Mədəniyyət İdarəsinə tabe olan Sumqayıt şəhərinin Tarixi Muzeyi və Mədəni İrsin Qorunması, İnkişafı və Bərpası üzrə Dövlət Xidmətinin Şabran Regional İdarəsinin birgə təşkilatçılığı ilə Heydər Əliyev ili çərçivəsində "Heydər Əliyev və mədəni irsimiz” adlı tədbir keçirilib.
Xeberle.com xəbər verir ki, öncə Ulu Öndərin və ölkəmizin ərazi bütövlüyü və müstəqilliyi uğrunda şəhid olan qəhrəman Vətən övladlarının əziz xatirəsi bir dəqiqəlik sükutla yad edilib. Sonra Ulu Öndərin Azərbaycan mədəniyyətinin qorunması və inkişafındakı xidmətlərindən bəhs edən sənədli videomaterial təqdim edilib. Tədbiri giriş sözü ilə açan muzeyin direktoru Aygün Zülfüqarlı öz çıxışında qeyd edib ki, tarixi abidələrin bərpası və qorunmasına xüsusi diqqət göstərmiş, bu işlərə dövlət dəstəyini əsirgəməmiş ümummilli lider Heydər Əliyevin qoyduğu ənənə bu gün Azərbaycan Respublikası Prezidenti cənab İlham Əliyev tərəfindən ölkə daxilində və xaricində böyük işlər həyata keçirilməklə davam etdirilib. Müzəffər Ali Baş Komandan cənab İlham Əliyevin rəhbərliyi ilə Azərbaycan ordusu tərəfindən 44 günlük Şanlı Zəfər Qələbəsilə işğaldan azad edilmiş torpaqlarımızda erməni vandalları tərəfindən vəhşicəsinə dağıdılmış tarixi, mədəni irsimizin bərpa edilməsi istiqamətində görülən işlərdən söz açıb. Mədəni İrsin Qorunması, İnkişafı və Bərpası üzrə Dövlət Xidmətinin Şabran Regional İdarəsinin Sumqayıt şəhəri üzrə nümayəndəsi Məhəbbət Qasımova və muzeyin elmi katibi Sənurə Lazımova mədəni irsimizdən və Heydər Əliyevin mədəni irsimizin qorunmasındakı rolundan bəhs edən mühazirə ilə çıxış ediblər.
Tədbir diskussiya şəklində davam edib.
Xəbərdən istifadə edərkən istinad etmək vacibdir.
