İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.  Xeberle.com Nazirliyə istinadən xəbər verir ki, monitorinq zamanı Sumqayıt şəhərində S.Vurğun küçəsində Qeyis Hüseynova, 12-ci mikrorayonda Elnarə Həmzəyevaya və 4-cü mikrorayon, Bakı küçəsində Elşən Xudaverdiyevə məxsus mağazalarda saxlama müddəti ötmüş malların satıldığı aşkar edilib. Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.
İstehlakçılardan istifadə müddəti ötmüş, keyfiyyətsiz malların satışı halları ilə rastlaşdıqda, 498-15-01 və 498-15-04 nömrəli telefonlarla Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə və İqtisadiyyat və Sənaye Nazirliyinin 195-2 Telefon Məlumat Mərkəzinə məlumat vermələri xahiş olunur.
Xeberle.com