Sumqayıt Regional Mədəniyyət İdarəsinə tabe olan Şuşa şəhər Niyazi adına uşaq incəsənət məktəbinin direktoru və müəllim kollektivi şəhid, baş leytenant Mixail Hamlet oğlu Həmidovun ailəsini ziyarət edib.
44 günlük Vətən Müharibəsi zamanı oktyabrın 23-də Füzuli istiqamətində gedən döyüşlərdə şəhidlik zirvəsinə ucalan şəhidimiz ailəli idi, 3 övladı yadigar qalıb.
Azərbaycan Respublikasının Prezidenti cənab İlham Əliyevin Sərəncamına əsasən ölümündən sonra Mixail Həmidov "Füzulinin azad olunmasına görə” medalı ilə təltif edilib.
Kollektiv şəhidimizin ailəsi ilə övladları haqqında söhbət edib, onların dərdinə şərik olmağa çalışaraq, maddi və mənəvi dəstək göstəriblər. Şəhidin valideynləridə öz növbələrində övladları ilə qürur duyduqlarını vurğulayıb, dövlətin onlara göstərdiyi diqqət və qayğını qeyd edərək ölkə başçısına təşəkkürünü bildiriblər.
Allah şəhidlərimizə rəhmət eləsin!
Xəbərdən istifadə edərkən istinad etmək vacibdir.
