Türkiyənin Qars vilayətinin Arpaçay qəsəbəsinin Halimcan kəndindən Ermənistana keçən inək iki ölkə arasında "inək diplomatiyası”na səbəb olub.
Kəndin sakini Engin Karadağın inəyi çobanın çomaq zərbələrindən qaçmaq üçün Ermənistanla sərhədi təşkil edən Arpaçaya girib. Bu zaman inəyi su aparmağa başlayıb.
Ermənistanın Türkiyə ilə sərhədini mühafizə edən Rusiya sərhədçiləri suya atılaraq inəyi xilas edib və Ermənistan tərəfə keçirib.
Çoban inəyin sahibinə bu haqda məlumat verəndən sonra Engin Karadağ inəyini Ermənistandan qaytarmaq üçün Digor bölğə kaymakamlığına müraciət edib. Kaymakam İsa Bolat iyunun 29-da Ermənistana keçən inəyi geri almaq üçün iyulun 2-də Ermənistan sərhədini mühafizə edən sərhəd postunun rəhbərləri illə görüşüb.
Müvafiq protokol tərtib olunandan sonra sərhədçilər inəyi Arpaçay çayının sahilinə gətiriblər. İnəyin boynuna ip keçirdərək onu çaydan keçirmək istəyiblər, ancaq inək inadkarlıq edib və Türkiyəyə tərəfə keçmək istəməyib. Bundan sonra sərhədçilər inəyin boğazına bağlanan ipin ucunu Türkiyə tərəfinə atıblar. Türkiyə tərəfdən inəyin sahibi və yaxınları çaya girərək inəyi iplə öz tərəflərinə çəkiblər.
"İnəyim çobanın çomağı ucbatından qarşı tərəfə keçib. 3 gün sonra inəyimə təkrar qovuşduğum üçün çox xoşbəxtəm”- deyə Engin Karadağ bildirib. (virtualaz.org)
Xəbərdən istifadə edərkən istinad etmək vacibdir.
