"Bulutistan" şirkəti və Azərbaycan Türkiyə İş Adamları Birliyinin (ATİB) birgətə şkilatçılığı, "Azintelecom",
"SabancıDX" və "CyberCyte" şirkətlərinin tərəfdaşlığı ilə "Maliyyə buludu və İnformasiya Texnologiyaları ilə idarə olunan xidmətlər” mövzusunda, səhər yeməyi formatında B2B görüş baş tutub. Tədbirin məqsədi "Maliyyə buludu” və idarə olunan İT xidmətləri mövzusunda fikir və təcrübə mübadiləsini təşkil etmək olub. Açılış nitqini ATİB-nin İdarə Heyətinin üzvü Nigar Ələsgərova edib. Daha sonra "Bulutistan" şirkətinin Mərkəzi Asiya, Azərbaycan və Gürcüstan üzrə ölkə müdiri Samir Nuriyev, millət vəkili Ceyhun Məmmədov, adıçəkilən şirkətin MDB ölkələri üzrə baş icraçı direktoru Mutlu Ataç, "SabancıDX" şirkətinin satış rəhbəri Cem Özenç, "CyberCyte" şirkətinin təsisçisi Umut Yeşilırmak və "StudioDX" şirkətinin satış və müştəri əlaqələri üzrə rəhbəri Hamza Çobanoğlu çıxış ediblər.
Açılış çıxışlarının ardından Biznes konsultant Anar Məmmədovun moderatorluğu ilə panel müzakirəsi start götürüb. Paneldə spiker qismində "Bulutistan" şirkətinin Mərkəzi Asiya, Azərbaycan və Gürcüstan üzrə ölkə müdiri Samir Nuriyev, "CyberCyte" şirkətinin təsisçisi Umut Yeşilırmak, "SabancıDX" şirkətinin satış rəhbəri Cem Özenç çıxış ediblər.
Tədbir iştirakçılar tərəfindən maraqla qarşılanıb və mövzu ətrafında gələcək əməkdaşlıqların inkişaf etdirilməsi məsələləri müzakirə olunub.
Qeyd edək ki, tədbirdə bank, fintex, maliyyə və bənzər şirkətlərin rəhbər şəxsləri və qurucularından ibarət 35 nəfər iştirak edib.
Xəbərdən istifadə edərkən istinad etmək vacibdir.
