Xeberle.com xəbər verir ki, sinif otağının qapısı üzərində şəhidin adı yazılmış lövhə yerləşdirilib, həyat və döyüş fəaliyyətini əks etdirən guşə yaradılıb.

Tədbirdə şəhidin anası Əfsanə Əbülfətova, şəhid anaları, qazilər, və pedaqoji kollektiv iştirak edib.

Torpaqlarımızın işğaldan azad edilməsi uğrunda şəhidlik zirvəsinə ucalan qəhrəmanlarımızın əziz xatirəsi bir dəqiqəlik sükutla yad edilib. Məktəbin direktoru Bəxşeyiş Ələmşahov milli tariximizə qızıl hərflərlə əbədi həkk olunan möhtəşəm qalibiyyəti xalqımıza yaşadan bütün igid əsgər və zabitlərimizlə qürur duyduğunu bildirib.

Vurğulayıb ki, Azərbaycanın suverenliyi və xoşbəxt gələcəyi yolunda yüksək fədakarlıq və şücaət göstərən Nicat kimi qəhrəman oğulların əziz xatirəsi qəlbimizdə daim yaşayacaq.

Tədbirdə şəhid Nicat Nəbiyevin əziz xatirəsinə həsr olunan, ədəbi-bədii kompozisiya nümayiş etdirilib. Məktəbin şagirdləri vətənpərvərlik ruhunda şeirlər səsləndiriblər.