Sumqayıt Kimya Sənaye Parkının rezidenti olan "Azertexnolayn” MMC-nin polad boru, polietilen məmulatları, metal konstruksiya və siyirtmə istehsalı zavodlarında 1000-dən çox iş yerinin açılması nəzərdə tutulub.
Sumqayıt Kimya Sənaye Parkının direktor müavini Zaur Məmmədov bildirib ki, parkda MMC-nin polad-boru zavoduna 30 hektar torpaq sahəsi ayrılıb. Zavodda ilkin mərhələ üçün polad boruların istehsalında xammal kimi istifadə olunan polad təbəqələr əsasən Rusiyadan, xüsusi təyinatlı müxtəlif diametrli polietilen boruların xammalı isə Türkiyə və Səudiyyə Ərəbistanından idxal olunur. Növbəti mərhələdə polietilen boruların istehsalı üçün tələb olunan xammal yerli istehsal hesabına təmin ediləcək.
Bildirildi ki, zavodda Türkiyə, Almaniya, İtaliya və Çin texnologiyası əsasında ildə 75 min ton polad borular, 60 min ton yüksək təzyiqə davamlı hidrotexniki avadanlıqlar və 12 min ton xüsusi təyinatlı polietilen borular istehsal ediləcək.  (azertag.az)