"Heydər Əliyev ili” və 31 mart azərbaycanlıların soyqırımının 105-ci ildönümü ilə əlaqədar Xidmət Sahələri üzrə Sumqayıt Dövlət Peşə Təhsil Mərkəzi, Sumqayıt Heydər Əliyev Mərkəzi və "Quba Soyqırımı Memorial Kompleksinin” birgə təşkilatçılığı ilə "1918-ci il soyqırımlarının tanıdılmasında Heydər Əliyev siyasəti” mövzusunda tədbir keçirilib.
Xeberle.com xəbər verir ki, tədbirdə Sumqayıt şəhər Heydər Əliyev Mərkəzinin direktoru və əməkdaşları, Xidmət Sahələi üzrə Sumqayıt Dövlət Peşə Təhsil Mərkəzinin müəllim və tələbə heyəti iştirak etmişlər. Tədbir iştirakçıları əvvəlcə soyqırımı hadisələrini özündə əks etdirən kitab və foto-şəkillərdən ibarət sərgi ilə tanış olublar.
Kompleksin əməkdaşı Səriyyə Abidova çıxış edərək Ulu Öndər Heydər Əliyev tərəfindən 1998-ci il 26 martda imzalanmış "Azərbaycanlıların soyqırımı haqqında” fərmanla bu hadisələrə siyasi qiymətin verilməsinin tarixi əhəmiyyətindən söz açmışdır.
Daha sonra çıxış edən mərkəzin direktoru Vüsalə Qurbanova və peşə təhsil mərkəzinin müəllimləri Ümummilli lider Heydər Əliyevin 1918-ci ildə azərbaycanlılara qarşı törədilmiş soyqırımların ölkə hüdudlarından kənarda tanıdılmasında göstərdiyi misilsiz xidmətləri barədə məlumat vermişlər.
Tədbirin sonunda sənədli film nümayiş olunmuşdur.
Xəbərdən istifadə edərkən istinad etmək vacibdir.
