Ötən il Azərbaycanda videomüşahidə vasitələrinin tətbiqi ilə 22 min hadisə müəyyən edilib.
"Report”un əldə etdiyi məlumata görə, bu barədə Nazirlər Kabinetinin 2022-ci ildə fəaliyyəti haqqında hesabatda bildirilib.
Eyni zamanda ötən il 20,5 min yol-nəqliyyat hadisəsi (593-ü piyadaların vurulması ilə), 187 ictimai asayişin pozulması faktı, 228 yanğın və s. müəyyən edilib, axtarışda olan 159, digər nəqliyyat vasitəsinə verilmiş qeydiyyat nişanı ilə idarə edilən 21 avtomobil müəyyən olunub.
Qeyd edək ki, hökumətin hesabatı Milli Məclisin bugünkü plenar iclasında müzakirəyə çıxarılıb.
Xəbərdən istifadə edərkən istinad etmək vacibdir.
