«Azərikimya» İstehsalat Birliyinin müəssisələrində növbəti şənbəiməciliyi keçiril­ib. İməcilikdə Etilen-polietilen zavodundan 400, Təmir-ti­kinti idarəsindən 300 və Birliyin İdarəetmə aparatından 100 nəfər olmaqla 800 nəfər əməkdaş iştirak edib.
İməcilik zamanı Birliyin İdarəetmə aparatının əməkdaşları Etilen-polietilen zavodunun Qaz və maye karbohidrogenlərin qazlaşdırılması, sıxılması və saxlanılması sahəsinin yaşıllıq zonası üçün ayrılıb və bioremediasia üsulu ilə təmizlənən 4 hektarlıq ərazisində 1000 ədəd ədəd şərq çinarı, nar, melya, həmişəyaşıl sərv, şam, əncir, ərik, gilanar, badam, xurma və digər ağaclar əkiblər. Birlik rəhbərliyinin də iştirak etdiyi iməciliklərdə Etilen-polietilen zavodunun əməkçiləri müəssisənin "EP – 300” və "Polimir – 120” istehsalatlarında, Təmir-tikinti İdarəsinin işçiləri isə yeni tikilmiş və bu yaxınlarda istifadəyə verilməsi planlaşdırılan Sənaye-sanitar laboratoriyasının həyətində əvvəlki iməciliklər zamanı əkilmiş ağaclara aqrotexniki qulluq göstə­rib, diblərini belləyib, gövdələrini əhəngləyib, həmçinin abadlıq işləri apararaq ərazini alaq otlarından təmizləyiblər.   
Qeyd edək ki, ötən ilin payız iməcilikləri də daxil olmaqla bugünə qədər bioremediasia sahəsində kimyaçılar tərəfindən 7000 ədəd müxtəlif növ ağac əkilib. Sum­qayıtın sənaye zonasında ekoloji mühitin yaxşılaşdırılmasına və yaşıllığın artırıl­ma­sı­na xidmət edən iməciliklərin aprel ayının sonuna qədər davam etdirilməsi nəzərdə tutulub.  
Xeberle.com