Elm və Təhsil Nazirliyinin Radiasiya Problemləri İnstitutunun (RPİ) əməkdaşları - fizika üzrə fəlsəfə doktoru, dosent Əminə Mikayılova və Qeys İbrahimov cənub bölgəsində yeni monitorinqlər aparıblar.
RPİ-dən AZƏRTAC-a bildirilib ki, bölgənin transsərhəd çaylarında, Biləsuvar rayonunda yerləşən Balharı su anbarında, Balharı çayında, Yardımlı rayonundakı Təkdam şəlaləsində, Masallıdakı İstisuda, həmçinin Pensərçayın Astara rayonundan keçən hissəsində icra olunan monitorinqlərdə suyun tərkibində və dib çöküntülərində radioekoloji müşahidələr aparılıb, eləcə də kimyəvi tədqiqatlar üçün nümunələr götürülüb.
Xəbərdən istifadə edərkən istinad etmək vacibdir.
