Sumqayıtda "Həssas uşaqlara sosial yanaşma" adlı seminar keçirilib.
Xeberle.com xəbər verir ki, Sumqayıt Regional Mədəniyyət İdarəsinə tabeli Sumqayıt şəhər Heydər Əliyev Mərkəzi və Xidmət Sahələri üzrə Sumqayıt Dövlət Peşə Təhsil Mərkəzinin birgə təşkilatçılığı ilə seminar baş tutub.
Seminarda Sumqayıt şəhər ümumtəhsil məktəblərinin rəhbər-pedaqoji heyəti, Beynəlxalq Liberal Maarifçilik Mərkəzinin sədr müavini Taleh Şahməmmədov, Fundamental psixoloji və təlim xidmətləri Mərkəzinin nümayəndəsi, Sumqayıt şəhər Sağlamlıq İmkanları Məhdud Uşaqlar üçün Xüsusi Məktəbin rəhbər heyəti, Xidmət Sahələri üzrə Sumqayıt Dövlət Peşə Təhsil Mərkəzinin mühəndis- pedaqoji heyəti və həssas qrupa daxil olan tələbələrin valideynləri iştirak etdi.
Görüşü giriş nitqi ilə açan mərkəzin direktoru Gülşən Ömərova seminar mövzusunun aktuallığına diqqət çəkərək, məktəb-valideyn arasındakı mövcud kommunikasiyanın gücləndirilməsinin əhəmiyyətindən danışdı.
Sonra Türkiyə Cumhuriyyəti özəl təhsil sektorunun nümayəndəsi, autizm üzrə araşdırmaçı, uzman-psixoloji konsultant Gülşən Özdəmirin təqdimatında seminara start verildi. Gülşən Özdəmir inkuliziv təhsil və onun faydaları, xüsusi qayğıya ehtiyacı olan uşaqların cəmiyyətə inteqrasiyası, onlarda özünə inam hissinin formalaşdırılması, gələcək məşgulluq məsələləri haqqında təqdimat nümayiş etdirərək, təlim iştirakçılarını məlumatlandırdı.
Həssas qrupa daxil olan uşaqlar, onlara yanaşma üsulları haqqında məlumat verən Gülşən Özdəmir, müsbət nəticə əldə etmək üçün valideyn - məktəb əlaqəsinin vacibliyini vurğuladı.
Görüş qarşılıqlı diskussiya şəklində davam etdi.
Sonda xatirə şəkli çəkildi.
Xəbərdən istifadə edərkən istinad etmək vacibdir.
