Sumqayıt Regional Mədəniyyət İdarəsinə tabeli Gənclər kitabxanasında 12 saylı tam orta məktəbin 8 b sinif şagirdlərinin iştirakı ilə Azərbaycan Xalq Cümhuriyyətinin 105 illiyi münasibətilə oxucu konfransı keçirilib.
Xeberle.com xəbər verir ki, tədbir əvvəlində Azərbaycanın ərazi bütövlüyü uğrunda şəhid olmuş qəhrəmanların və müstəqilliyimizin əldə olunması yolunda canlarını fəda edən dövlət xadimlərinin ruhu bir dəqiqəlik sükutla yad edilib.Tədbirin aparıcısı Gənclər kitabxanasında müdir vəzifəsini m.i.e Leyla Mahmudova AXC-nin yaranması tarixindən danışaraq qeyd edib ki, Azərbaycan Xalq Cümhuriyyəti 23 ay yaşamasına baxmayaraq, xalqımızın qədim dövlətçilik ənənələrini yaşadaraq, həmin dövr üçün mütərəqqi hesab edilən dövlət təsisatlarının yaradılmasına nail olub.Gərgin və mürəkkəb ictimai-siyasi şəraitdə fəaliyyət göstərmiş Azərbaycan Xalq Cümhuriyyətinin demokratik dövlət quruculuğu,iqtisadiyyat, mədəniyyət təhsil, hərbi quruculuq və sair sahələrdə həyata keçirdiyi işlər Azərbaycan xalqının tarixinin parlaq səhifəsidir.Tədbir "Azərbaycan Xalq Cümhuriyyəti” adlı videoçarxın nümayişi ilə davam edib.
Sonra Gənclər kitabxanasının müdir v.m.i.e Leyla Mahmudova "Məhəmməd Əmin Rəsulzadə”, "Səməd bəy Mehmandarov”,12 saylı tam orta məktəbin şagirdlərindən Aylin Nəbiyeva "Əlimərdan bəy Topçubaşov”, Sona Məmmədli "Nəsib bəy Yusifbəyli”, Nübar Eyvazlı "Əliağa Şıxlinski”, Murad Əlizadə "Fətəli xan Xoyski” və digər Azərbaycan Xalq Cümhuriyyətinin qurucuları haqqında ətraflı məlumat veriblər.
Tədbirdə qonaq qismində iştirak edən Laçın rayonu Qazıdərə kənd kitabxanası müdiri Qəndili Allahverdiyeva tədbirin təşkilinə görə Gənclər kitabxanasının əməkdaşlarına təşəkkür edib.
Tədbir iştirakçıların "Cümhuriyyət himni”nin ifası ilə yekunlaşıb.
Xəbərdən istifadə edərkən istinad etmək vacibdir.
