Alimlər, cib telefonları üçün çox sürətli dolan batareya kəşf edib. Fins.az-ın marjaya istinadən verdiyi məluma görə batareya cəmi 1 dəqiqədə elektrik enerjisi ilə dolur.

Alüminium hüceyrələrdən güc alan batareyanın, istismarda olan lityum texnologiyası ilə müqayisədə daha etibarlı olacağı, asan zərər görməyəcəyi və yanmaq-partlamaq riskinin olmadığı bildirilir.

Stanford Universitetindəki tədqiqatçılar, yeni batareyanın, istifadə etdikcə ömrü azalan batareyalar ilə müqayisədə daha uzunömürülü olacağını və hər  doldurmadan sonra istifadə ömrünün azalmayacağını deyiblər. Universitetdə kimya professoru olaraq çalışan Hangjie Dai, kəşf etdikləri yeni batareyanın mövcud batareyaların yerini alacağını, lityum ion batareyalara nisbətən "ətraf mühit dostu" olacağını deyib.

Professor Dai, yeni batareyanın direl ilə deşilsə belə yanma riski daşımadığını bildirərək, lityum batareyaların daşıdığı bir çox riskdən uzaq olacağını deyib. Alüminium hüceyrəli batareyalar etibarlı olmaları iləyanaşı, qeyri-müəyyən sayda yenidən doldurula bilinəcək.

Daha əvvəl kəşf edilən bənzər batareyalarda, ən çox 100 dəfə doldurma ömrü təmin olunmuşdu. Yeni batareyada isə 7 min 500 dəfə doldurma edilib və problem çıxarmayıb. Litium batareyalar isə 1000 dəfə doldurma ömrünə malikdirlər. (fins.az)