Sumqayıtda "Heydər Əliyev – Gənclər siyasəti və sabahın alimləri” adlı konfrans keçirilib. Xeberle.com məlumat verir ki, 
Tədbir Gənclər və İdman Baş İdarəsi və Polimer Materialları İnstitutu tərəfindən Gənclər Evində təşkil olunub. Çıxış edən Baş İdarənin rəisi Elgün Hümbətov və İnstitutun baş direktoru Bəxtiyar Məmmədov ulu öndər Heydər Əliyevin həyat, qayğı və fəaliyyətindən danışıblar.
Sonra Vətən müharibəsi qazisi, polkovnik-leytenant Ehtiram Məmmədov, institutun elmi katibi, dosent Solmaz Rzayeva, Beynəlxalq əlaqələr və qrant layihələr şöbəsinin müdiri Esmira İmanova və başqaları Azərbaycan elminin inkişafı, bu sahədə mövcud olan problemlərin aradan qaldırılması və digər ölkələrin təcrübəsinə uyğun strategiyaların həyata keçirilməsi məqsədilə təhsilin inkişafına göstərilən yüksək diqqətdən söz açıblar.