Sumqayıtda 4 nömrəli marşrut avtobusunun xidmətindən istifadə edən bir qrup sərnişin ictimai nəqliyyatın fəaliyyətindən
şikayətçidir.
Bu haqda Xeberle.com-a danışan sərnişinlər xüsusilə günün pik saatlarında avtobusun çox gecikdiyini deyir:
"4 nömrəli avtobus gələnə qədər bir neçə 33 saylı avtobus marşrutları gəlib-gedir. Amma 4-in biri gəlib gedənə kimi nə qədər vaxt tamam olur. Axsam saat 8- dən sonra isə ümumiyyətlə 4 nömrə tapılmır”.
Mövcud problem ilə əlaqədar Sumqayıt Avtomobil Nəqliyyatı ilə Sərnişindaşıma İdarəsinin rəisi Tofiq Saydumovla əlaqə saxladıq. Qurum rəsmisi bildirdi ki, 4 saylı marşrut xəttinin hərəkət cədvəlinə əsasən Corat qəsəbəsindən keçir və onun son hərəkət vaxtı gecə saat 11-ə qədərdir. Lakin axşam saat 8-dən sonra gediş- gəliş azaldığı üçün intervallar arasındakı dəqiqələrin vaxtını uzadırıq. 5-6 dəqiqədən bir deyil, 10-15 dəqiqədən bir 4 saylı marşrutlar gecə saat 11-ə qədər xətdə olur".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
