Sumqayıtda "Heydər Əliyev ölkəyə və dünyaya açıq qəlblə” adlı tədbir baş tutub.
Xeberle.com məlumat verir ki, Ümummilli lider Heydər Əliyevin anadan olmasının 100 illiyi və Azərbaycan Rus İcmasının yaranmasının 30 illiyinə həsr olunan tədbir Dövlət Himninin səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad edilib.
Aparıcı Sumqayıt şəhər Rus İcmasının sədri Lyubov İsmayılova çıxış edərək, Azərbaycanda Rus cəmiyyətinin fəaliyyəti, ulu öndər Heydər Əliyevin bu cəmiyyətə göstərdiyi misilsiz xidmətləri haqqında məlumat verib.
"Veteranlar” xalq xoru (dirijor Turanə Vəliyeva, konsertmeyster İlham Nərimanov) "Xalq Heydər söyləyəcək”, "Şən Azərbaycan” və rus mahnıları ifa ediblər. Xorun üzvləri İnna Rındina, Svetlana Quliyeva Sumqayıt şəhər Rus İcmasındakı xidmətlərinə görə "Diplom”la təltif olunublar.
Xəbərdən istifadə edərkən istinad etmək vacibdir.
