Martın 24-də Sumqayıtda Azərbaycan Prezidenti yanında Gənclər Fondunun dəstəyi ilə “Qadın klubu” layihəsi çərçivəsində 30-dək qadının iştirakı ilə təlim keçiriləcək.

 Layihənin məqsədi gənc xanımlara müxtəlif sahələrlə bağlı maarifləndirici məlumatların verilməsi, onları maraqlandıran problemlərlə bağlı mütəxəssis rəylərini birbaşa çatdırmaqdır. 

Layihə çərçivəsində keçiriləcək təlimdə 4 mütəxəssisin – pediatr, ginekoloq, kosmetoloq və vizajist gənc qadınlarla görüşü təşkil olunacaq. 

Təlim xarakterli görüşdə mütəxəssislər məruzə ilə çıxış edəcək, gənclərin suallarını cavablandıracaq.