XIX əsrdə çəkilən fotolara baxarkən heç kimin gülmədiyini görmək olar. Türkiyənin "Hürriyyət” qəzetinin verdiyi məlumata görə, bunun səbəbi ilə bağlı bəzi ehtimallar var.
Bunlardan birincisi, köhnə fotoaparatların gülümsəmə anını tuta biləcək texnologiyaya malik olmamasıdır. İkincisi isə fotoqraf sənətinə rəsm sənətinin bir hissəsi kimi baxılması ilə əlaqədardır. Keçmişdə insanlar qaş-qabaqlarını tökərək rəssamlara portretlərini çəkdirməyə vərdiş etmişdilər.
Daha bir təxmin onunla əlaqədardır ki, keçmiş fotolar ölümsüzlüyün bir hissəsi kimi qəbul edilirdi. Buna görə də ölülərin fotolarını çəkmək adəti də bu cür düşüncənin məhsuludur.
Və son olaraq, keçmiş mədəniyyətlərdə gülmək axmaqlıq hesab edilirdi.