Dövlət Məşğulluq Agentliyinin Abşeron-Xızı Regional Məşğulluq filialının dəstəyi ilə Sumqayıt şəhərində əmək yarmarkası keçiriləcək. 23 iyun tarixi saat 11.00-dan 13.00-dək Sülh küçəsi 26 (Sumqayıt Plaza Hotel) ünvanında keçiriləcək yarmarkada Sumqayıt şəhəri üzrə 25-dən artıq müəssisə tərəfindən 200-dən artıq vakansiyanın yarmarkaya çıxarılması nəzərdə tutulub.
➡️ Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
➡️ Əgər CV-niz yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərsiniz. Bu platformada qeydiyyatdan keçməklə lazımi xanalara məlumatlarınızı əlavə edib, qısa müddətdə öz CV-nizi PDF formatında əldə etmək mümkündür.
➡️ Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Xəbərdən istifadə edərkən istinad etmək vacibdir.
