Azərbaycan Respublikası Dövlət Neft Şirkətinin (SOCAR) Sumqayıtda kimya sənayesi sahəsində zavodların tikintisi üzrə reallaşdırdığı layihələr Azərbaycanda 12 mindən çox iş yerinin açılmasına imkan verəcək.
Bunu jurnalistlərə SOCAR-ın prezidenti Rövnəq Abdullayev deyib.
Onun sözlərinə əsasən, SOCAR kadr siyasətinə, gənc kadrların yetişdirilməsi, yeni iş yerlərinin açılması məsələlərinə böyük diqqət ayırır: "Müasir standartlar əsasında gənc kadrların hazırlanması üzrə işlər aparılır".
R.Abdullayev qeyd edib ki, karbamid zavodunun tikintisi artıq başlayıb: "Zavodun fəaliyyətinin pik dövründə orada 7 mindən çox işçi çalışacaq. "SOCAR Polymer" layihəsinin reallaşdırılması hesabına daha 5 minə yaxın iş yeri açılacaq. "SOCAR Polymer" çərçivəsində iki zavod - polietilen və polipropilen - inşa edilir".(trend)
Xeberle.com