Sumqayıt şəhərində yerləşən qəzalı binaların sayı məlum olub. Şəhər İcra Hakimiyyətindən Xeberle.com-un mövzu ilə əlaqədar sorğusuna cavab olaraq bildirilib ki, Sumqayıtda cəmi 3 qəzalı vəziyyətdə olan bina (hər 3-ü yataqxana) var.
Şəhərin Kimyaçılar yaşayış massivi ərazisində yerləşən 1948-1950-ci illərdə inşa edilmiş 49/3 nömrəli yataqxana, 29-cu məhəllə ərazisində yerləşən 1950-ci ildə inşa olunmuş 1 nömrəli yataqxana və 2-ci mikrorayon ərazisində yerləşən 13 nömrəli yataqxanalar qəzalı vəziyyətdədir. Bu binaların qəzalı vəziyyətdə olmasını ilə bağlı rəyi Fövqəladə Hallar Nazirliyinin müvafiq komissiyası verir. Komissiyanın rəyinə əsasən yataqxanalarda yaşayan sakinlər köçürülməli və binalar sökülməlidir. Yaxın vaxtlarda bununla bağlı tədbirlər görüləcək.
Xədicə Səxavətqızı
xeberle.com/gundem/105035-sumqayitin-en-meshhur-chimerlikleri-qiymetler.html
Xəbərdən istifadə edərkən istinad etmək vacibdir.
