Sumqayıt Polis İdarəsinin Dövlət Yol Polisi şöbəsinin əməkdaşları  sürücülərə qarşı növbəti reyd keçirib. Gecə saatlarında keçirilən reyd zamanı ən çox rast gəlinən qayda pozuntusu sərxoş halda sükan arxasına əyləşmək olub. Saxlanılan sürücülər Sumqayıt şəhər rayonlararası Narkoloji Dispanserdə tibbi eskpertizadan keçirildikdən sonra barələrində hüquqi ölçü götürülüb. Sumqayıt şəhər Polis İdarəsinin Dövlət yol polisi şöbəsinin təbliğat üzrə inspektoru Fəqan İsmayılov Sumqayıt TV-yə bildirib ki, reyd zamanı 98 sürücü saxlanılıb və pozuntuya yol verən sürücülər barəsində qanunvericiliyin tələblərinə uyğun olaraq müvafiq tədbirlər görülüb.  O, vurğulayıb ki, saxlanılan sürücülərdən 11 nəfəri avtomobili sərxoş vəziyyətdə idarə edib. Sumqayıt polisinin keçirdiyi bu cür reydlərin mütəmədi olaraq davam etdiriləcəyi bildirilib. Xeberle.com Sumqayıt TV-nin hazırladığı videomaterialı təqdim edir.