Qızıl Aypara Cəmiyyətinin (QAC) Sumqayıt bölməsi Qurban bayramı münasibəti ilə aztəminatlı ailələrə bayram sovqatı paylayıb.
Bu barədə Xeberle.com-a bölmədən məlumat verilib. Bildirilir ki, Qurban sovqatlarının paylanılması QAC-ın Sumqayıt şəhər bölməsinin ofisində baş tutub. Qeyd olunub ki, millət vəkili Tahir Mirkişilinin müraciəti əsasında Aqrarkredit Səhmdar Kredit təşkilatının dəstəyi və QAC Sumqayıt şəhər bölməsinin təşkilatcılığı ilə tənha, kimsəsiz ahıllara, aztəminatlı ailələrə Qurban bayramı münasibəti ilə bayram sovqatları paylanılıb. Bölmə sədri Mətanət Məhərrəmova ailələri bayram münasibəti ilə təbrik edərək, xoş arzularını çatdırıb.
Bayram sovqatları alan ailələr onları diqqətdə saxlayan təşkilat nümayəndələrinə bayram sovqatlarının ərsəyə gəlməsində əməyi kecən millət vəkili Tahir Mirkişiliyə və tədbirin təşkilatçısı olan QAC Sumqayıt şəhər bölməsinin əməkdaşlarına və könüllülərinə öz təşəkkürlərini bildiriblər.
Xəbərdən istifadə edərkən istinad etmək vacibdir.
