Bu gün AFFA-nın, Uşaq Gənclər Futbol Federasiyasının və Xızı Rayon İcra Hakimiyyətinin birgə təşkilatçılığı ilə Ümummilli lider Heydər Əliyevin anadan olmasının 100 illik yubileyi ilə bağlı "Heydər Əliyev İli” çərçivəsində Xızı rayonunda uşaq və yeniyetmələr üçün Futbol Festivalı keçirilib.
Tədbirdə deputatlar, AFFA-nın vitse-prezidenti Rauf Əliyev, İlham Məmmədov, Xızı Rayon İcra Hakimiyyəti başçısının müavini Arzu Əzizov, Uşaq Gənclər Futbol Federasiyasının prezidenti Asif Əliyev, Regional Təhsil İdarəsinin rəis müavini Coşqun Əliyev və rayon ictimayyətinin nümayəndələri iştirak edib.
Tədbirdə 44 saylı Sumqayıt-Xızı seçki dairəsi üzrə Milli Məclisin deputatı Müşfiq Məmmədli çıxış edərək Ümummilli lider, Azərbaycanın xilaskarı, Ulu Öndər Heydər Əliyevin Azərbaycan dövlətçiliyinin, müstəqilliyinin qorunub saxlanılmasında, möhkəmləndirilməsində və dövlət quruculuğunda əvəzsiz rol oynadığını qeyd edib: "Hazırda bu siyasət Ulu Öndər Heydər Əliyevin layiqli davamçısı Azərbaycan Respublikasının Prezidenti cənab İlham Əliyev tərəfindən uğurla davam etdirilir", M.Məmmədli vurğulayıb.
Qeyd edək ki, tədbirdə iştirak edən 50 uşaq və yeniyetməyə futbola marağı artırmaq məqsədilə idman geyimləri və toplar verilib. Gənc futbolçular bu idman növü üzrə öz bacarıqlarını nümayiş etdiriblər. Gələcəkdə belə tədbirlərin digər bölgələrində də həyata keçirilməsi nəzərdə tutulub.
Xəbərdən istifadə edərkən istinad etmək vacibdir.
