Terrorizmdə günahlandırılan İslam aləminin elə özü bu bəladan ən çox ziyan çəkir. Başına gətirilən müsibətlər səbəbindən dağıdılan da, insanları qırılan da müsəlmanların yaşadığı ölkələrdir. Xatırlatmaq yerinə düşər ki, terrorun tarixi bu gün İslama qarşı barışmaz mövqe tutan və öz məqsədlərinə xidmət edən dırnaqarası islam təriqətləri yaradan yəhudilərə gedib çıxır. İndiki İsrail ərazisində Roma işğalçılarına qarşı yəhudi sektası olan "Zealotos”un keçirdiyi terror aktları miladi tarixin I əsrinə təsadüf edir. Nə az, nə çox İslamdan 6 əsr əvvəl. Halbuki bu gün yəhudilər həmin hadisəni terror aktı kimi qəbul etmir, əksinə işğalçıya qarşı mübarizə hesab edirlər. Belə olduğu təqdirdə fələstinlilərin də azadlıq mübarizəsi niyə Israil dövləti tərəfindən terror kimi səciyyələndirilib ədalətsiz müdaxilələrinə səbəb olur. Yoxsa azadlıq ancaq qeyri-müsəlmanlara rəvadır?
İslama qarşı aqressiv olan yəhudilər eyni təpkini xristianlığa da göstərmişdi. Xatırlayırsınızsa, İsa peyğəmbəri mühakimə edən də yəhudilər idi.
VII əsrdə yaranan Ərəb dövləti az keçmədi ki, üç qitəni əhatə edən böyük bir imperiyaya – Xilafətə çevrildi. X əsrdə İspaniyada yaranmış müsəlman dövləti – Kordova xilafəti ətrafındakı xristian dövlətlərindən fərqli olaraq inkişaf edir, çiçəklənirdi. İslam qayda-qanunları ilə idarə olunan xilafətin baş şəhəri Kordovanın əhalisi 500 min nəfəri keçdiyi halda, parisin əhalisi 38 minə çatırdı. Şəhərdə 9 yüz hamam, 70 kitabxana (hər birində 500 mindən çox əlyazma), 60 mindən çox evi olan Kordova xristian aləminə göz dağı idi. 3 əsrə yaxın əmin-amanlıq içində yaşayan insanlar nə terror tanıyırdı, nə də xaos. Bəs onuncu əsrdə xrstian Avropasında vəziyyət necə idi? Kilsə ona tabe olmayanları təqib edir, işgəncələr verir, yandırır, qısaca desək dini terrorla məşğul idi. Əgər İslam aqressiya və zorakılığı təbliğ edirsə, sadalanan məsələlər Kordovada niyə baş vermirdi?
İslamın tərəqqipərvər və humanist din olduğunu görən kilsə təşvişə düşdü. Və xristian Avropanı vahid dövlətlər yaratmağa, mərkəzləşməyə çağırdı, təbii ki, kilsənin nəzarəti altında. Çünki İslam öz humanistliyi ilə Avropanı bürüyə bilərdi. Bu isə saysız-hesabsız var-dövlətin kilsənin əlindən çıxması demək idi.
Təəssüflər ki, Kordova xilafətindəki daxili vəziyyətin pisləşməsi kilsəyə fürsət yaratdı. Xilafətin ədalət prinsipləri zaman-zaman İslami qayda-qanunlardan kənara çıxdığı bir zamanda bundan maksimum yararlanan kilsə əks-hücuma keçdi və xilafəti dağıtdı.
Analoji hal bu gün ərəb ölkələrində baş verir. Kilsə bu gün də hücum davam edir. Naz-nemət içində üzən ərəb şeyxlərinin həyatı kilsəni əmin edir ki, müsəlmanlara qalib gəlmək olar. Neftdən gələn milyonlar nəticəsində başları gicəllənən dırnaqarası müsəlmanlar var-dövlətlərini itirmək qorxusundan xristian dövlətlərinin əlaltısına çevrilməkdədir. Özlərinin İslam qayda-qanunlarını bərpaçısı kimi göstərən, əslində İslamdan kənar olan bir çox dini təriqətlərin, təşkilatların yaradılmasını birbaşa və bəzən dolayı yolla dəstəkləyən bir sıra İslam ölkələrinin başçıları orta əsrlərin dəbdəbəli həyat sürən Roma papalarını xatırladır. Bu barədə sonra

Xeberle.com