Azərbaycan Respublikasının Prezidenti yanında Gənclər Fondunun maliyyə dəstəyi ilə Bağırov Səid Arif oğlunun "Mənim İxtisasım, Mənim Karyeram" adlı layihəsinin icrasına başlanılıb.

Martın 29-da layihə çərçivəsində Cəlilabad rayonunun Müəllimlər İnstitutunda təhsil alan tələbələrə uğurlu karyeranın qurulması istiqamətində, 1, 8, və 4 №-li orta məktəblərində 10 və 11-ci sinif şagirdlərə isə ixtisas seçimi ilə bağlı qısa seminarlar keçirilmiş və bukletlər paylanılıb.

Ardınca gənclər üçün keçirilməsi nəzərdə tutulmuş iki günlük təlim kursuna start verilib. Təlimlərə 30.03.2014-cü il tarixində yekun vurulub.

Layihə Gənclərin Maarifləndirilməsinə və İnkişafına Dəstək İctimai Birliyinin və Cəlilabad Rayon İcra Hakimiyyətinin tərəfdaşlığı ilə icra olunmaqdadır.

Təlim kursları və seminarlarda gənclərə ixtisas seçiminin vacibliyi, edilən seçimlərin fərdin yaradıcı istedadıyla uyğun olması, gələcəkdə bu ixtisasda uğurlu karyera qurmanın teorik və praktiki tərəfləri, iş həyatında zamanın düzgün idarə edilməsi bilikləri aşılanmaqdadır.

Xeberle.com