Roma papası qondarma erməni soyqırımını tanıdı və bütün dünya buna təəcübləndi. Sonra da məsələnin arxasında böyük miqdarda məbləğin olduğu üzə çıxdı. Katoliklərin papası 25 milyard dollar müqabilində qondarma erməni soyqırımını tanıyıb. Buna təəcüblənmək lazım deyil. Orta əsrlərdə "cənnət qəbzləri” (indulgensiya) satan Roma papasının sələfindən bundan başqa nə gözləmək olar ki?! Bu qəbzlərin mahiyyəti ondan ibarət idi ki, günahkar insanlar sözügedən sənədə sahib olarsa, o dünyada cənnətin qapıları taybatay üzünə açılmış olur. Bu bir növ allahlıq xülyasına düşməkdir.
Özünün ən rüsvayçı dönəmini yaşayan katolik kilsəsi inkivizasiyanı (kilsə məhkəməsi) terror aləti kimi protestantlara, pravoslavlara və digər xristian təriqətlərinə qarşı istifadə edirdi. "Varfolmey gecəsi” kimi tarixə düşən protestantların qırğını nədənsə Vatikanın yaddından çıxıb. Öz qanlı və kirli keçmişlərini unudan katolik kilsəsi indi haqq-ədalət bərpa etmək adı altında erməni qiyamını soyqırım kimi tanıyırsa, buna təəccüblənmək lazım deyil. 
Vatikan başçısı öz moizələrində ilahi ədalətdən dəm vurur. Afrika xalqlarının acınacaqlı həyatından danışır, QİDÇ-ə və narkomaniyaya qarşı mübarizədən bəhs edir. Halbuki, qulağının dibində - Yaxın Şərqdə minlərlə körpə yetim qalır, daş-kəsək altından çıxarılır, uşaqlar, qadınlar, qocalar öldürülür, şikəst edilir. Elə bil kordur papa. Əlbəttə, kor olar, axı orda qırılan, əzilən, məhv edilən müsəlmanlardır,ərəblərdir, kürdlərdir, türklərdir. Xristian dünyasına heç olmasın, yerdə kim qalarsa qırılsın, umrunda deyil Katolik başçısının.
Məqsəd xristian – müsəlman münaqişəsi salmaq və ya qızışdırmaq deyil. Sadəcə acı həqiqətləri bildirmək və çatdırmaqdır. Bu gün Türkiyəyə "yapılan bu yanlışlıq” gələcəkdə bizə də edilə bilər.

Çünki mərəkənin başında erməni dayanır. Bir gün Vatikan papası "Qarabağ erməni torpağıdır” deyə bəyanat verərsə, necə olacaq? 25 milyard dollara saxtakarlığı tarixi gerçəklik adlandıran bir şəxsdən çox şeylər gözləmək olar.
Xristian dövlətlərinin zurnasına züy verən ərəb şeyxləri hələ qızıl unitaz, limuzin, villa, kef arxasınca qaçırlar. Göründüyü kimi, müsəlmanları pərən-pərən salmağa müvəffəq olmaqdadırlar. Suriya, Yəmən, Fələstin, İraq, Əfqanıstan projeləri öz işini görür, deyəsən. Bu gün İslam sürətlə yayılır deyə əndişə edən xristian Avropası Vatikan rəhbərinə gözün üstə qaşın var belə demədi. Əksinə gizlincə papanın ətəyini öpməyə belə getdilər.
Bir daha orta əsrlərə qayıdaraq katolik kilsəsinin iç üzünü göstərəcək bir faktı qeydə etmək yerinə düşər. dördüncü səlib yürüşünə şəxsən Roma papası III İnnokenti başçılıq edirdi. Və bu yürüşdə Bizansa zərbə vurmaq istəyən Venesiya papanın imdadına çatdı. Qurudan yürüşün təhlükəli olduğunu nəzərə alan papa Venesiyadan gəmilər icarəyə götürdü. Amma bu yürüşdə təkcə müsəlmanlara deyil, pravoslav Kostantinopola (İstanbul) da hücum edilməli idi. Qüdrətli papanın xaçlıları 57 il bu şəhəri işğal altında saxlayır və əhaliyə olmazın zülmlər edir. Bəli, bu həmin kilsədir ki, Yan Qusu, Koperniki, Janna d'Arkı onların iç üzlərini, xəbisliklərini açdığı üçün bidətçi alandırıb tonqalda yandırıb. Vatikanın hələ də sönməyən tonqalında bu gün neçə-neçə həqiqətlər yandırılır.

(davamı var)

Xeberle.com