"Psixoloqdan soruş" adlı yeni rubrikaya start verilir. Bu gündən etibarən Xeberle.com portalının bə Sumqayit.tv-nin səhifəsində sizi maraqlandıran məsələlərlə bağlı suallar verə bilərsiniz.  Suallarınızı  "Qadın Təşəbbüsü və Sosial Problemlərin Həllinə Yardım” İctimai Birliyinin psixoloqu Samirə İsmayılova cavablandıracaq.  
Psixoloqa ünvanlanan ilk sual isə belədir: "Körpələrimiz, uşaqlarımız bağçaya getmək istəmirlərsə, daim ağlayırlarsa, onları necə maraqlandıra bilər, necə rahatlıqla bağçaya öyrəşdirə bilərik?”
Psixoloqun cavabı: "Son vaxtlar dövlət və özəl olaraq çox bağçalar fəaliyyət  göstərir. Uşaqların bağçaya getmək istəməməsi, hər gün ağlaması valideyinə bir işarədir. Valideyn də uşağını bağçaya psixoloji hazırlamalıdır. Belə ki, sənin çoxlu dostların olacaq və hər gün sən yeni bir şeylər öyrənəcəksən. Bu kimi sözlərlə uşağı hazırlamalıdır.Uşaq  ya həqiqətən şıltaqlıq edir, ya da bağçaya qəbul olduqdan, yəni valideyn uşağı bağçaya təhvil verib gedəndən sonra nələr baş verməyindən başlayır. Onlar  həm həssas, həm də köməksiz olurlar. Tərbiyəçinin yanaşma tərzi, nitqi, səsi, hərəkətləri və uşaqda böyük bir neqativlik yarada bilər. Bu işdə tərbiyəçidən çox şey asılıdır. Düşünməsinlər ki, qarşılarında kiçik, heç nəyi başa düşməyən məxluqdur.  Bir yaşda uşağa artıq şəxsiyyət kimi baxmaq, qiymətləndirmək lazımdır. Uşağın marağı, istəyi tez dəyişən və müxtəlif olur. Uşaq çox hərkətli olur. Bütün bunlara əsasən uşaqları xoş üz və münasibətlə qəbul etmək, onları hərəkətli və düşündürücü oyunlara cəlb etmək lazımdır.  İlk olaraq oyunu yarımçıq kəsib və demək olar ki, uşaqlar bu oyunun davamı sabah olacaq. Uşağın sabahı bağçaya həvəslə gəlməsini təmin etmək lazımdır. Bundan əlavə rəqs, şəkil çəkmək, plastilindən fiqurlar düzəltmək, hansısa nağılı səhnələşdirmək çox gözəl olardı. Əlavə olaraq canlı güşənin yaranması, yeni dibçək güllərinin yetişdirilməsi, quş, dovşan və başqa zərərsiz ev heyvanlarının saxlanması, onlara diqqət və qulluq uşaqlarda çox gözəl hisslər yaradır. Yəni sevinc, kollektivçilik, diqqət, mərhəmət, sevgi hisləri aşılayır.Bütün bunların hər birini böyük həvəs və sevgiylə etmək lazımdır. Sonda ən əsası yenə bütün məsuliyyyət tərbiyəçinin və valideynin üzərinə düşür."
Xeberle.com