Sumqayıt şəhərində 8 Noyabr - Zəfər Günü münasibətilə hərbçilərin yürüşü keçirilib.
Xeberle.com-un məlumatına görə, əvvəlcə hərbi orkestrin ifasında Azərbaycanın Dövlət Himni səsləndirilib.
Şəhidlərin xatirəsi bir dəqiqəlik sükutla yad edilib.
Daha sonra hərbi orkestrin müşayiəti ilə hərbi qulluqçuların yürüşü olub. Yürüşə məktəblilər də qoşulub.
Eyni zamanda şəhərdə Zəfər Gününə həsr olunan tədbir keçirilib. Tədbirdə Sumqayıt şəhər İcra Hakimiyyətinin başçısı Zakir Fərəcov, deputatlar, hüquq mühafizə orqanlarının rəhbərləri, şəhid ailələrinin üzvləri və qazilər, şəhər ictimaiyyətinin nümayəndələri iştirak edib.
Silsilə tədbirlər çərçivəsində ağacəkmə aksiyası keçirilib. Gün ərzində Sumqayıt bulvarı ərazisində 11 min ağac əkilib.(Report)
Xəbərdən istifadə edərkən istinad etmək vacibdir.
