Azərbaycanda "Facebook"un ən yaşlı və aktiv istifadəçisinin 68 yaşı var. Bu şəxs Quba rayon Buduq kənd sakini İldırım Məmmədovdur. Hazırda rayon mərkəzindən 60 km uzaqda yerləşən Yalavanc kəndində yaşayan İldırım Məmmədov gününün 3-də birini "Facebook"da keçirir. Uzun illər kənd təsərrüfatı sahəsində müxtəlif vəzifələrdə çalışan kənd sakini yeganə fermer olub ki, dəfələrlə Ümummilli lider Heydər Əliyevlə görüşüb.
"Görüşlərin birində Ulu öndər Heydər Əliyev müasir texnikanı öyrənin demişdir. Elə ondan bəri günün tələbləri ilə ayaqlaşmağa başladım. Sosial şəbəkələr isə həyatımızın bir hissəsidir. Əvvəlcə "Facebook"dan istifadə çətin olsa da, sonradan öyrəndim. İndi bir gün belə sosial şəbəkədən istifadə etməyəndə, dostlarım ilə yazışmayanda həyatında elə bir nə isə çatmır.
Amma "Facebook"un da öz qanunu var. Bəzi şəxslərin buradakı fəaliyyəti hər şeydən əvvəl bir ağsaqqal kimi məni narahat edir".
Qeyd edək ki, hazırda İldırım Məmmədovun 1400 nəfərdən artıq "Facebook" dostu var.(sia.az)
Xəbərdən istifadə edərkən istinad etmək vacibdir.
