Məlum olduğu kimi, bu il Azərbaycanın ikinci sənaye mərkəzi sayılan Sumqayıtın yaradılmasının 74 illiyi tamam olur. Sumqayıtın başlıca özəlliyi bu şəhərdə 74 ildən bəri tikinti-quruculuq və abadlaşdırma işlərinin davamlı aparılmasıdır. Məhz bu dinamiklik şəhərin simasının günbəgün dəyişməsini və gözəlləşməsini təmin edir. Hüsnünə zəhməti ilə sığal çəkən sumqayıtlıların xidmətlərini qiymətləndirməmək olmaz. Aparılan yenidənqurma və abadlıq işləri şəhərin görkəmini xeyli dəyişib. Görülmüş işlərlə yanaşı həllini gözləyən bir sıra məsələlər də mövcuddur.
Bəs, şəhər sakinləri Sumqayıtda hansı yenilikləri görmək istərdi?
Xeberle.com olaraq sualımızla bağlı Sumqayıtın ən böyük rəsmi instagram səhifəsində şəhər sakinləri arasında sorğu keçirdik. Əksər insanlar Sumqayıtda yeni iş yerlərinin olmasını və Sumqayıtdan Bakıya metro açılmasını istəyirlər. Gəlin, sakinlərin şəhərimizdə görmək istədikləri yeniliklərlə bağlı müxtəlif fikirləri ilə tanış olaq:
1. Köhnə Şərq bazarının yerində böyük "Mall” açılsın.
2. 30 nömrəli marşrutun normal işləməsi və avtobusların yenilənməsi ən böyuk dəyişiklik olar.
3. Piknik etmək üçün mümkün olan geniş park salınsın.
4. Normal yollar və səkilər çəkilsin.
5. Sumqayıtda "Hiper” market tərəfdə yerüstü və ya yeraltı keçidlərə ehtiyac var.
6. Sumqayıt "Mall” tikilsin.
7. "Göyçay” marketin arxasında yataqxanaları söküb, yerində tibb şəhərciyi tikilsin.
8. Yaşayış binalarının yanında tikilib fəaliyyət göstərən kafe, çayxana, restoran və qəlyanxanalar sökülüb dənizkənarına köçürülsün. Nəqliyyat sistemində yeniliklər olsun kondisionerli-havalandırıcı sistemli avtobuslar alınsın və istifadəyə verilsin.
9. Avtobuslarda kart sisteminin tətbiq olunması vacibdir.
10. Sumqayıtdan Bakıya metro tikilsin.
11. Yataqxanalardakı camaatın mənzillə təmin olunmasını istərdik.
12. "Qold Qayalı”nın qarşısında bir işıqfor qoyulsa, əla olar. İstəyən saxlayır, istəyən keçir, bilmirsən yolu necə keçəsən ki, təhlükəsiz olsun. Bütün mikrorayonlar istiliklə təchiz edilsin, avtobuslar kart sistemi ilə işləsin.
13. Əvvəlki kimi tramvay yolları çəkilsin.
14. Ən çox istədiyim köhnə məhəllələrdəki alman evlərini söküb, yerinə yeni tipli binaları tikməsinlər. Şəhərin memarlığını, tarixini pozmasınlar. Çox heyifslənirəm o sökülən köhnə binalara. Yenisi tikiləcəksə də memarlıq üslubunu qorusunlar.
15. 20 ildir ki, evlər idarəsi Sumqayıtda məni get-gələ salıblar. Evimə sənəd ala bilmirəm.
16. Sumqayıtda yenilik istəmirik. Tək istəyimiz odur ki, bu MTK-nın işıqları sönməsin!
17. Bağların yolları asvaltlansa yaxsı olardı...
18. Bakı avtovağzalına çıxacaq və bütün metrolara qovuşan normal metro stansiya açılsa, çox gözəl olar. Birdəki marşrutlar azdır. 7 nömrəli avtobusu çox gözləyirik.
19. Bloklar təmir olunsun.
20. Hündürmərtəbəli binaları görmək istəmirəm. Bakının gününə salmayın. Yaşıllıq çox olsun.
21. Şəhərin tarixi binalarını sökməsinlər. Yeniliklərə ehtiyacımız yoxdur.
22. Binaların blokları və birinci mərtəbələr təmir olunsun. Bloka girəndə iy, palçıq, it-pişik-siçan adamı qarşılayır.
23. Sumqayıtdan Bakıya metro çəkilsin. "Qold Qayalı” tərəfdə işıqfor qoyulsun. Çoxmərtəbəli binalar az tikilsin. Köhnə alman evləri sökülüb qəşəng beşmərtəbəli evlər tikilsin. İtləri çöldən yığışdırsınlar.
24. Bakılıyam, Bakıda qalıram. Sumqayıtı sevirəm. Möhtəşəm şəhərdir. Bakıda bir çox görmədiyim rahatlığı orada görmüşəm. İstəyərdim ki, çoxlu iş yerləri açılsın, tikilən binalar çox məsafəli olsunlar və ən əsası məscid tiksinlər minimum 6-7 ədəd əlavə ki, tam rahatlıq olsun.
25. 17-18-5 mikrorayonlarda olan istilik sistemi qalanlara da şamil edilsin. Həyətlərdə uşaqların əyləncəsi üçün yerlər olsun. Sağ olsunlar xalqımıza qeybət yeri çox düzəldilib. Bir azda uşaqlara müasir avadanlığı olan Bakıdakı meydançalardan düzəldilsin.
26. Sahibsiz itlər yığışdırılsın.
27. 25 nömrəli məktəbin stadionunda bina tikmək istəyirlər. Amma orda ya park salsınlar ya da elə stadion kimi olsun.
28. Yenilik lazım deyil. Mikrorayonlara istilik sistemi çəkilsin.
29. WC olmaması…
30. Marşrutlar yenilənsin və kart sisteminə keçsin.
31. Marşrutları dəyişsinlər. Hamısı yararsız vəziyyətdədir.
32. Köhnə kvartallarakı Sumqayıtın tarixi binalarını sökməsinlər. Onlar şəhərə yaraşıq verir.
33. İş yerləri açılsın.
34. Axşam işdən gec çıxıb evə gələn xanımlar haqqında ,,ağzı göyçək” qonşular vedrə qoşmasın ki ,,görəsən bu axşam vaxtı hardan gəlir belə”.
35. Bulvarda "Mall” tikilsin
36. Həyətlərdə uşaqlara oyun sahəsi tikilsin.
37. Sumqayıtdan Bakıya metro olsa çox yaxşı olar. Tıxaclardan dincələrdik.
38. Havası təmizlənsin.
39. Səkilərdən ticarəti yığışdırsınlar və qadağa qoyulsun.
40. İstəyirəm çoxlu binalar tikilsin. Ancaq elə şərtlərnən olsun ki, bütün gənclər yararlana bilsin.
41. "Binaların üstü təmir olunsun” deməkdən yorulmusuq. Baxan yoxdur.
42. 5 nömrəli avtobus düzgün işləmir. Çox gec işləyir.
43. Əhalini işlə təmin edən yeni müəssisələrin tikilməsini istərdik.
44. Məktəblərdə dərslər normal keçirilsin. Məktəblərin çoxusu pis günündədir. Təmir olunsun. Bakıya metro çəkilsin. Geyimlər çox bahadır. Burada böyük "Mall” tikilsin. Qiymətlər də münasib olsun. İdman zallarının sayı artırılsın. Bir çox küçələr təmirsidir.
45. Valideynlər məktəbi bazar eləməsinlər.
46. Evlərə sənəd verilməsi əla olardı.
47. Sumqayıtda nəyi istəyərdim. Deməli belə. Həyət evləri olmasın, addım başı navastroyka olsun, park deyilən bir şey olmasın, bahaçılıq olsun, iş-güc olmasın, adam əlindən yer olmasın, marşurut 1 manat olsun, xərcimiz günə 200 manat olsun.
48. Qəbristanlığa yol çəkilsin.
49. "Mall” açılmağını, metro açılmasını istərdim. Bir də yerüstü və yeraltı keçidlər tikilsin.
50. Yeni iş subyektləri, köhnə arxitekturanı sökmək yerinə boş ərazilərdə yaşayış binaları tikmək və zəhərli qaz buraxan zavodları ləğv edilsin.
51. Piyada keçidləri görsənmir. Bu işlərə diqqət edilsin.
Hazırladı: Elşən Yəhyayev
Xəbərdən istifadə edərkən istinad etmək vacibdir.
