Sumqayıtda Yeni Azərbaycan Partiyasının (YAP) inzibati binasında Sumqayıt şəhər İnternat Tipli Gimnaziyanın təşəbbüsü ilə "Həyatın əsas dəyəri həyatdır” adlı maarifləndirici tədbir keçirilib.
Bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasından məlumat verilib.
Tədbirdə Sumqayıt şəhər İnternat Tipli Gimnaziyanın direktoru və müəllim heyəti, YAP-ın Mərkəzi Aparatının şöbə müdirinin müavini, Dövlət Komissiyasının daimi fəaliyyət göstərən işçi qrupunun məsul əməkdaşı və Sumqayıt şəhəri üzrə aidiyyəti qurumların nümayəndələri iştirak edərək yeniyetmələr arasında narkotik vasitədən istifadənin risk amilləri, psixoaktiv maddələrin xüsusiyyətləri və onların sağlamlığa zərərli təsiri, narkomanlığa qarşı mübarizə üsulları barədə geniş məlumat verilib.
Sonra şagirdləri maraqlandıran suallar ətrafında müzakirələr aparılıb.
Sonda Dövlət Komissiyasının işçi qrupu tərəfindən hazırlanmış "Narkotiklər haqqında həqiqəti bilin”, "Marixuana haqqında həqiqət” və "Psixotrop maddələr haqqında həqiqət” adlı zəruri təbliğat materialları tələbələr arasında paylanılıb.(AZƏRTAC)
Xəbərdən istifadə edərkən istinad etmək vacibdir.
