İqtisadi Zonaların İnkişafı Agentliyi Peşə Təhsil Mərkəzində ümummilli lider Heydər Əliyevin anım günü ilə bağlı tədbir keçirilmişdir.
Xeberle.com-a verilən məlumata görə, tədbiri giriş sözü ilə açan İqtisadi Zonaların İnkişafı Agentliyi idarə heyətinin sədr müavini Fuad Məhərrəmov ümummilli lider Heydər Əliyevin xalq və dövlətçiliyimiz uğrunda həyata keçirdiyi geniş fəaliyəti haqqında məlumat vermiş, ulu öndərin gənclərin inkişafını və təhsilini daima diqqət mərkəzində saxladığını qeyd etmişdir.
Tədbirdə çıxış edən mərkəzin direktoru Kənan Bağırov ulu öndərin mənalı ömür yolu və ictimai-siyasi fəaliyyəti ilə bağlı tədbir iştirakçılarına məlumat vermiş və ümummilli lider Heydər Əliyevin siyasətinin bu gün ölkə başçısı cənab İlham Əliyev tərəfindən uğurla davam etdirildiyini bildirmişdir.
Daha sonra tələbələr tərəfindən ulu öndərə həsr olunmus şeirlər səsləndirilmiş, video çarx və "Sən elə bir zirvəsən” kompozisiyası təqdim olunmuşdur.
Xəbərdən istifadə edərkən istinad etmək vacibdir.
